Rusia, sekuestro fabrikës së “Mbretit të çokollatave”, Poroshenko

Që prej Marsit të vitit 2014, kur Rusia aneksoi gadishullin ukrainas të Krimesë dhe rebelët prorusë nxitën një kryengritje në Ukrainën lindore, fabrika e Lipetskut është sulmuar shpesh nga policë të armatosur, është bojkotuar, por edhe akuzuar nga politikanët rusë si mbështetëse e ekstremizmit.

“Është e sigurt të njoftojmë se pala ruse po ndërmerr qëllimisht të gjitha hapat e mundshme për të parandaluar kompaninë të shesë asetet e saj në Rusi”, bëri të ditur Roshen përmes një deklarate të shkruar. Kompania “mëmë” tha gjithashtu se do të apelonte ndaj vendimit të një gjykate ruse për të sekuestruar asetet e saj, që kapin vlerën e rreth 2 miliardë rublave, apo 39 milionë dollarë.

Poroshenko, i cili njihet ndryshe edhe me pseudonimin “Mbreti i çokollatave”, premtoi se do të shiste Roshenin kur u zgjodh udhëheqës i vendit në Maj, një fabrikë që ka marrë emrin nga dy rrokjet e mesit të mbiemrit të Petros dhe shitjet vjetore të së cilës, përpara krizës, kapnin shifrat e 1,2 miliardë dollarëve.

Gjithsesi, konflikti lindor dhe kriza ekonomike që rezultoi më pas kanë komplikuar seriozisht procesin e shitjeve, ndaj dhe asnjë marrëveshje shitjeje nuk është bërë e ditur deri më sot.

Top Channel