Mbështetja e fermerëve, në Kukës nis projekti i donatorëve
01/05/2015 00:00
Mbyllen aplikimet për bujqësinë/ Shtohen kërkesat e fermerëve për mbështetje në Korçë e Fier
18/04 16:00
Ka nisur në Kukës zbatimi i një projekti konkret për t’u ardhur në ndihmë fermerëve, nga Ministria e Bujqësisë në bashkëpunim me donatorë gjermanë dhe danezë.
Këto ditë ka filluar edhe procesi i aplikimit për të gjithë fermerët e zonave malore, me qëllim që ata të përfitojnë përmes granteve të përcaktuara.
Sipas ekspertëve të bujqësisë në Kukës, fondet për këto zona do të mbështesin prodhimin e kulturave bujqësore tradicionale të zonës, me qëllim rritjen e investimeve dhe përshtatjes së produkteve bujqësore me kërkesat e tregut dhe konsumatorit.
Ky projekt pritet që të zgjasë deri në 4 vite dhe do të shtrihet në 6 qarqe të vendit. Vlera e tij është 1 milion euro për qarkun e Kukësit, ndërkohë që për t’u bërë pjesë e tij pritet që të aplikojnë fermerë të arrorëve, pemëtoreve, bagëtive të imëta dhe bimëve medicinale.
Top Channel
