Shfryhet “bomba” Doshi-Frroku, vetëm akuzë për “kallëzim të rremë”

Por edhe avokatët e tij e komentuan si të pabazuar këtë akuzë. “Prokuroria pranon, sepse kallëzimi i rremë kërkon krimin e kryer, se nuk ekziston një skenar për kryerjen e krimit, por akuzon për kallëzim të rremë. Po kështu, edhe dy të pandehurit e tjerë. Njëri prej tyre thotë moskallëzim. Të kujt? Të alibisë, thotë prokuroria”, deklaroi avokati Genc Gjokutaj.

Ndërkohë, brenda të njëjtës ditë deputeti Tom Doshi respektoi vendimin e Gjykatës së Lartë, e cila ndryshoi masën e sigurisë nga “arrest me burg” në “detyrim paraqitje”.

Deputeti Doshi u paraqit i shoqëruar nga dy avokatët e tij, ndërsa qëndroi për gati një orë e gjysmë në ambjentet e Prokurorisë së Përgjithshme. Megjithatë, mbrojtja u shpreh se klienti Doshi do të vijojë betejën tij, me insistimin për të kërkuar marrjen e provave të reja në interes të hetimeve.

“Kërkesa për disa veprime hetimore të rëndësishme dhe për të marrë prova të rëndësishme për çështjen. Nëse prokuroria nuk i pranon kërkesat tona, atëherë ne do t’i drejtohemi gjykatës, që është organi kompetent për të vendosur”, deklaroi avokati Vladimir Meçi.

Të dy deputetët u deklaruan si të dyshuar për tre vepra, por prokuroria i rrëzoi akuzat e “deklarimit të rremë” dhe “kanosjes së dëshmitarit”, duke mbajtur vetëm njërën kundër tyre, atë të “kallëzimit të rremë”.

Top Channel