Laç, transportonte armë me biçikletë; pranga 42-vjeçarit
05/05/2015 00:00
Një 42-vjeçar u arrestua nga policia e Laçit, pasi u kap në flagrancë duke transportuar me biçikletë dy armë zjarri që i zotëronte pa leje.
I arrestuari është shtetasi Martin Deda, banor i lagjes numër pesë të Laçit. Ai u ndalua pranë stacionit të trenit të qytetit.
Gjatë kontrollit të policisë, 42-vjeçarit iu gjet një armë zjarri automatike, një pushkë dhe një krehër me shtatë fishekë.
Policia sekuestroi armët dhe municionet në cilësinë provës materiale, ndërkohë që dosja përkatëse i kaloi prokurorisë për hetime të mëtejshme për veprën penale “prodhim dhe mbajtje pa leje e armëve dhe e municionit lufttarak”.
Top Channel