Irani ndalon flokët përpjetë dhe heqjen e vetullave për meshkujt

06/05/2015 00:00

Irani ka nxjerrë një ligj që ndalon meshkujt të ngrenë flokët lart, pasi kjo konsiderohet si adhurim ndaj Djallit. Kreu i Sindikatës së Berberëve të Iranit gjithashtu ka ndaluar tatuazhet dhe trajtimet e bukurisë për meshkujt, siç është heqja e vetullave.

Në një komunikatë të publikuar nga agjencia e lajmeve ISNA, Mustafa Govahi thotë se do të ketë rregulla të reja për meshkujt që ndjekin modën.

“Nuk lejohen më modelet e flokëve që adhurojnë Djallin. Çdo berberi që pret flokë në stile të tilla do t’i hiqet licenca. Ne e dimë kush janë këta berberë dhe do të marrim masat e duhura”, tha kreu i Sindikatës.

Flokët në model “punk” janë përhapur shumë vitet e fundit në Iran, por autoritetet nuk i shohin me sy të mirë, pasi i konsiderojnë si shumë perëndimorë dhe kundër fesë islame.

 

Top Channel