Një i ri është mbytur në det, ditën e diel, teksa po pushonte me shokët në plazhin e Durrësit.
Ngjarja që regjistron dhe viktimën e parë të këtij sezoni ndodhi në sektorin “Apollonia” të plazhit të Durrësit.
20-vjeçari Ismail Peposhi nga Kukësi, së bashku me dy shokë, kishin dalë në det me një mjet lundrues. Ai ka qenë duke u larë në det kur ka shfaqur probleme.
Me vështirësi e kanë nxjerrë në breg, ndërsa efektivat e policisë që shkuan në vendin e ngjarjes i kanë dhënë ndihmën e parë. Megjithatë, i riu nuk ka mundur të shpëtojë.
Ai ka ndërruar jetë gjatë rrugës për në Spitalin e Durrësit. Pritet që ekspertiza mjeko-ligjore të përcaktojë zyrtarisht shkakun e vdekjes, ndërsa grupi hetimor po punon për sqarimin e plotë të rrethanave të ngjarjes.
Top Channel