Maqedoni, Presidenti mbledh Këshillin e Sigurisë për ngjarjet në Kumanovë
10/05/2015 00:00
Presidenti i Maqedonisë, Gjorgje Ivanov, ka thirrur pasditen e së dielës Këshillin e Sigurisë në lidhje me ngjarjet e ndodhura në Kumanovë, ku mbetën të vrarë të paktën 22 persona.
Në mbledhje marrin pjesë edhe kryetari i LSDM-së, Zoran Zaev, ndërkohë lideri i BDI-së, Ali Ahmeti ka dërguar në këtë mbledhje si përfaqësues, Talat Xhaferin. Nga PDSH-ja po merr pjesë Imer Aliu.
Lideri i LSDM-së deklaroi se pjesëmarrja e tij është rezultat i shqetësimit të LSDM-së për gjendjen e sigurisë në vend.
Top Channel