Basha takon Rohrabacher: Qeveria po dëmton situatën normale zgjedhore
11/05/2015 00:00
E pazakontë në Pogradec! Përfitoi nga amnistia dje, sapo doli nga burgu bën vjedhjen e radhës
25/04 18:02
Kryetari i Partisë Demokratike, Lulzim Basha, denoncoi qeverinë te kongresmeni amerikan, Dana Rohrabacher, se po dëmton situatën normale zgjedhore me skemën e ngritur nga kryeministri për përdorimin e administratës në fushatë.
Ai shtoi këtu dhe blerjen e votave dhe sigurimin e tyre në çdo mënyrë nga drejtuesit partiakë të administratës, me incidentet e dhunshme të verifikuara në Durrës, Ersekë dhe Malësi të Madhe.
Kësaj panorame, kreu i opozitës i shtoi edhe denoncimin për mungesën e vullnetit nga qeveria për të miratuar aktet ligjore që ndalojnë personat me precedentë penalë të kandidojnë në zgjedhje.
Dana Rohrabacher, i cili drejton nënkomitetin për Europën në Kongresin Amerikan dhe ndjek nga afër prej shumë vitesh zhvillimet në Shqipëri, i garantoi kreut të opozitës se Kongresi Amerikan do të monitorojë procesin zgjedhor, sepse Shtetet e Bashkuara janë të interesuara për zgjedhje të lira e të ndershme.
Top Channel
