Meta: Ndarja e re territoriale do t’i japë hov zhvillimit

Duke iu drejtuar pjesëmarrësve në këtë prezantim, Meta tha se vota për Gjok Lleshin është vota për drejtimin e duhur për të gjithë bashkinë e re të Vaut të Dejës.

“Gjok Lleshi është një njeri në radhë të parë me karakter dhe me integritet, është një njeri me vlera, është një njeri i fjalës dhe jam i sigurt se vota juaj për të do të thotë një kontratë që ai të përkushtohet për gjithë këtë bashki, e cila bëhet një nga bashkitë më të rëndësishme në të gjithë vendin, sepse bashkon gjashtë njësi, që do të thotë se bashkimi bën fuqinë. Bashkohen resurset, bashkohen pasuritë e kësaj zone, por mbi të gjitha bashkohen edhe njerëzit e kësaj zone. Ndaj kjo reformë administrativo-territoriale do t’i japë një hov cilësor të gjithë zhvillimit të vendit dhe do të rrisë cilësinë e shërbimeve ndaj komunitetit, dhe do të shtojë shërbimet ndaj komunitetit. Nuk është e vërtetë se kjo reformë do t’i largojë shërbimet nga qytetarët. Përkundrazi, ato që deri tani quheshin komuna, do të vazhdojnë të jenë si njësi shërbimi, jo vetëm duke realizuar shërbimet e deritanishme aty ku kanë qenë, por duke marrë edhe më shumë shërbime të tjera përsipër të t’ia ofruar komunitetit”- deklaroi Meta.

Më herët Ilir Meta, i shoqëruar nga ministri  i Transportit dhe Infrastrukturës, Edmond Haxhinasto mori pjesë në përurimin e punimeve për rikonstruksion e segmentit rrugor Shkodër-Mes, një investim i  Qeverisë me një vlerë prej 356 milionë lekësh, që pritet t’i kthejë shkëlqimin kësaj zone historike.

Top Channel