Ministri Beqaj, për “check-up” në komunën e Tërbufit
15/05/2015 00:00
Parashikimi i motit për ditën e sotme, si pritet të jenë temperaturat 24/04 07:21
Ministri i Shëndetësisë, Ilir Beqja, i shoqëruar edhe nga deputetët Erjon Braçe e Petrit Vasili, ka parë nga afër procesin e check up-it në qendrën shëndetësore të Tërbufit në Lushnje.
Gjatë kësaj vizite Beqaj u shpreh se, me reformën e re territoriale do të bëhet e mundur edhe lëvizja në një territor më të madh i personelit mjekësor dhe atij infermier, për t’i shërbyer popullatës, duke zgjeruar kështu edhe kompetencat e tyre.
Ministri mbeti i kënaqur me numrin e madh të qytetarëve të paraqitur në këtë qendër për të bërë kontrollin shëndetësor falas. Jo vetëm gratë, por edhe meshkujt kanë pritur radhët për kontroll.
Ndërsa deputeti i LSI, Petrit Vasili theksoi se qeveria e ka kthyer vëmendjen drejt kujdesit shëndetësor, ndërsa profesionalizmi i mjekëve ka sfiduar çdo problem.
Top Channel
