Grupi “Artan Lili”, muzikantët serbë përdorin një emër shqiptar

Pas një përvoje të gjatë me grupe të ndryshme, Rock grupi nga Beogradi ka mjaft punë dhe kërkesa. Një grafit me emrin e një mashkulli shqiptar ishte bërë inspirimi i tyre, për ta quajtur kështu grupin, pa e ditur se kishte të bënte me emër mashkulli. Inspirimi ishte një grafit në stacionin e trenit në Kumanovë të Maqedonisë.

“Ne kemi menduar se ishte emri i një, Lili, që ishte në ilaçet artan për sëmundjen Parkinson. Dukej shaka dhe menduam një emër i bukur për bend. Disa vite më vonë kur bëm muzikë në Shkup e kuptuam që emri Artan Lili ishte emër mashkulli shqiptar dhe kënaqësia ishte edhe më e madhe”, rrëfen Bojan Slacala, “Artan Lili”.

Grupi ka performuar gjithandej dhe emri ekzotik i ka bërë të mbahen mend edhe më shumë. Një grup i përzier nga i tërë rajoni, por që jetojnë në kryeqytetin serb, ka ambicie të mëdha. Disa kënge e spote, por e konsiderojnë vetën faktor stabiliteti, të paktën për kulturë.

“Ne pranojmë çdo ftesë për të bërë muzikë kudo në rajon, pavarësisht vendeve dhe e konsiderojmë vetën faktor, natyrisht nëse na paguajnë mirë…”, vijon Slacala.

Artan Lili i vërtetë ende nuk është paraqitur, por ata shpresojnë ta takojnë një ditë. Nëse jo, ritmi i tyre është pakufij dhe emri nuk ka shkaktuar probleme.

Top Channel