Kolumbi, mbi 50 të vdekur nga rrëshqitjet e tokës
19/05/2015 00:00
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Më shumë se 50 persona kanë mbetur të vdekur, ndërsa nuk dihet fati i shumë të tjerëve, pas rrëshqitjeve të tokës në provincën Antioquia në veriperëndim të Kolumbisë.
Presidenti Juan Manuel Santos tha se, autoritetet ende nuk e dinë numrin e saktë të personave të humbur.
Si pasojë e shirave me intensitet të lartë, lumi Liboriana në qytetin e Salgar, doli nga shtrati duke shkaktuar përmbytje të mëdha, ndërsa një pjesë e madhe e një fshati u shkatërrua plotësisht nga rrëshqitjet e tokës.
Ekipet e shpëtimit dhe banorët që i mbijetuan fatkeqësisë vazhdojnë kërkimet me shpresën për të gjetur persona të mbijetuar.
Pasi vizitoi zonën e goditur nga fatkeqësia natyrore, Presidenti Santos shpalli gjendjen e jashtëzakonshme dhe premtoi për të rindërtuar shtëpitë e shkatërruara.
Top Channel
