Dako në Sukth: Në fshat, investime si në Durrës
19/05/2015 00:00
FOTO LAJM/ Deputeti i PD shkon në Kuvend me çadër plazhi 18/04 10:20
“Në fillim të vitit 2016 fillojmë punën për rikonstruksionin e rrugës kryesore që përshkon zonën e Sukthit dhe lidh autostradën me bregdetin, do të hapim qendra sociale për njerëzit në nevojë dhe do të zhvillojmë bujqësinë e zonës”.
Këto kanë qenë angazhimet për mandatin tjetër që ka marrë përsipër kryebashkiaku i Durrësit, Vangjush Dako, përpara banorëve të Sukthit.
“Nuk mund të shfrytëzojmë tokën nëse nuk u japim fermerëve infrastrukturë. Na duhet një infrastrukturë rrugore jo vetëm për rrugët kryesore, por edhe për ato dytësore. Ata e hedhin poshtë prodhimin sepse nuk kanë rrugë. Në këtë zonë prodhimet më të mira janë perimet, por ne duhet t’u japim mbështetje fermerëve të kësaj zone, për zhvillimin e bujqësisë”, deklaroi Dako.
Gjatë takimit elektoral, Dako foli për trefishim të sasisë së ujit të pijshëm në zonë, projekte për bujqësinë, si dhe hapjen e një qendre për gratë e dhunuara.
Top Channel
