Të bësh art me ushqimin

Kur ushqimet janë të shijshme, të gjithë mbeten të mrekulluar. Por ka edhe një mënyrë tjetër, për ta bërë të ushqyerit një kënaqësi: të fusësh artin brenda.

Në vende të ndryshme të botës vihet re mahnia për të mos qëndruar vetëm te shija. Pjatat shndërrohen kështu në tablotë e piktorit, ndërsa zarzavatet apo erëzat shumëngjyrëshe, në bojëra.

Shumë artistë kanë guxuar. Ekspozita me të tilla punime janë hapur nga lindja në perëndim.

Kur bëhet fjalë për evente të rëndësishme, si festa familjare apo ditëlindje, njerëzit gjithmonë i kushtojnë rëndësi estetikës.

Pjatat duhen të jenë të pazakonta, për të lënë një përshtypje sa më të mirë te miqtë. Është e provuar se, ne joshemi fillimisht nga pamja, ende pa provuar shijen. E rëndësishme është larmia e ngjyrave, sistemimi i përbërësve dhe sigurisht kombinimi i shijeve.

Është e vështirë, që këto gjëra të bëhen në kushte shtëpiake, por nëse keni një artist apo artiste për bashkëshorte, atëherë të ushqyerit do të bëhet një argëtim më vete.

Top Channel