Rikthehet ankthi në Tunizi, një ushtar qëlloi kolegët në një bazë ushtarake
25/05/2015 00:00
Rusia fillon tërheqjen e trupave nga Nagorno-Karabaku 23/04 13:54
Është rikthyer frika në qendër të Tunizit. Zemra e kryeqytetit tunizian, zona e Bardosë, teatrit të kthyer në skenën e sulmit terrorist të muajit mars, ku u vranë mbi 20 shtetas të huaj, përjetoi sot të tjera momente paniku kur një ushtar qëlloi mbi kolegët e tij të kazermës.
Zëdhënësi i Ministrisë së Brendshme, Belhassen Oueslati, sqaroi se nga incidenti ka disa të plagosur, por nuk foli për të vrarë. Situata në kazermën e Bouchoucha-s tanimë është nën kontroll.
Forcat tuniziane të sigurisë mbeten në gjendje gatishmërie të lartë që prej incidentit të tre muajve më parë. Ngjarja e sotme megjithatë nuk besohet të ketë sfond terrorist.
Top Channel
