Shoku i ngushtë nuk ua thotë të gjitha…

26/05/2015 00:00

Shoku ose shoqja jote më e ngushtë ka më tepër mundësi që t’ua thotë në sy se ju keni shtuar peshë, ose se modeli i ri i flokëve nuk ju shkon, se sa faktin që partneri ose partnerja ju tradhton.

Në një studim në Britaninë e Madhe, ku janë analizuar mbi 1700 miqësi, rezultatet kanë treguar se vetëm 29% e njerëzve do t’i tregonin shokut ose shoqes së ngushtë se partneri i tij ose saj është duke e tradhtuar.

Rreth 54% e njerëzve do t’ia bënin të ditur mikut të tyre se modeli i ri i flokëve nuk i shkon, ndërsa 58% do t’ua thonë në sy se keni shtuar peshë. Studimi i kryer nga “Loose Women” ka treguar edhe për disa virtyte që çmohen në një miqësi.

Besnikëria është gjëja më e vlerësuar në një shoqëri, ku 78% e të anketuarve kanë thënë se është baza e një miqësie të fortë, ndërsa zemërgjerësia vlerësohet nga 28%. Rreth 30% e njerëzve kanë deklaruar se do t’ia bënin të ditur shokut të ngushtë, në momentin kur ata janë ndjerë të ofenduar nga ai.

Top Channel