Milani shkarkon trajnerin Filippo Inzaghi
04/06/2015 00:00
Tashmë është zyrtare: Pippo Inzaghi nuk është më trajneri i Milanit.
“Shoqëria i ka komunikuar Inzaghit se, me keqardhje të madhe, do të ketë një ndryshim në drejtimin teknik në sezonin e ardhshëm”, lexohet në komunikatën zyrtare të klubit kuqezi.
Shkarkimi i trajnerit vjen një ditë pas darkës mes Silvio Berlusconi, Adriano Galliani dhe Sinisa Mihajlovic.
Sipas mediave sportive italiane, trajneri i Sampdorias do të zyrtarizohet si trajneri i ri i Milanit në ditët në vazhdim.
Top Channel