Britani, punonjësit planifikojnë veprime ligjore ndaj kompanive ajrore
08/06/2015 00:00
Doli hapur kundër qeverisë në këngët e tij, dënohet me vdekje reperi iranian! U torturua dhe u izolua për 252 ditë 26/04 08:55
17 ish-punonjës apo edhe anëtarë ekuipazhi që shërbejnë aktualisht nëpër kabinat e avionëve po planifikojnë veprime ligjore kundër kompanive ajrore britanike, me argumentin se janë helmuar prej kontaminimit të ajrit në vendet e punës.
Procesin e mbështet sindikata “Unite”, përfaqësuese e 20 mijë punonjësve të fluturimit. Paditësit besojnë se mbi shëndetin e tyre ka pasur ndikim të madh fakti që kanë thithur tymra të përzier me karburantin e motorëve e kimikate të tjera toksike
Autoriteti i aviacionit civil është përpjekur të argumentojë se incidente të tilla në avionë janë të rralla dhe se nuk ka prova të pasojave afatgjata mbi shëndetin e punonjësve.
Në mesin e dëshmive që përgatiten të paraqiten në gjyq, do të jetë edhe ajo e një piloti që punon për një linjë ajrore të rëndësishme britanike, i cili pati probleme të menjëhershme nga tymi toksik gjatë një uljeje në aeroportin e Birmingamit në vitin 2014, dhe siç thotë, bashkë me kapitenin u detyrua të vendoste maskën e oksigjenit.
Top Channel
