Pentagoni, rregulla për mbrojtjen e homoseksualëve nga diskriminimi në ushtri

Deklarata e Carter u bë gjatë një eventi të komunitetit LGTB në Pentagon.

Shefi i Pentagonit tha se rregullorja e re e Pentagonit kundër diskriminimit u mundëson homoseksualëve në radhët e ushtrisë amerikane që të denoncojnë diskriminimin  dhe më pas rastet do të hetohen nga gjykatat ushtarake.

“Diskriminimi i çdolloji nuk ka vend në radhët e Forcave të Armatosura të Shteteve të Bashkuara”, deklaroi Carter.

Deri më tani homoseksualët rrezikonin të përjashtoheshin nga radhët e forcave të armatosura nëse u zbulohej orientimi seksual, e gjitha kjo në bazë të praktikës së vendosur në vitin 2011, “Mos pyet, mos trego”.

Sërish homoseksualët mund të përjashtohen nga forcat e armatosura, megjithëse këtë vit është bërë më e vështirë për shkak se kërkohet miratimi edhe prej zyrtarëve të lartë të pushtetit civil.

Top Channel