Tjetër tërmet në Greqi
10/06/2015 00:00
“Kurti zbaton agjendën e Moskës”, deklaratat e forta të Haradinajt në Top Story: Vuçiçit i intereson ta mbajë në krye, kryeministri po largon aleatët e mbrojtjes 23/04 10:08
Një lëkundje sizmike me magnitudë 5.4 ballë e shkallës Rihter ka goditur Greqinë gjatë orëve të para të mëngjesit të së mërkurës. Sipas Institutit Gjeodinamik të Athinës, këtë herë tërmeti u shënua në ishullin e Kretës, 94 kilometra në lindje të Kretës dhe në thellësinë 10 kilometra, në zonën midis Kretës dhe ishullit të Karpathos.
Lëkundja u ndje në të gjithë Egjeun, por banorët e ishullit të Kretës dhe të ishullit Karpathos, ku vala goditëse ishte edhe më e fortë, u shprehën të shqetësuar.
Sipas Institutit Gjeodinamik të Athinës, edhe kjo lëkundje ishte në vazhdën e aktivitetit sizmik të pllakës së Egjeut, një zonë kjo e vlerësuar si tepër aktive prej sizmologëve.
Për momentin nuk janë shënuar dëme të rënda, përveç dëmtimeve në disa godina të vjetra dhe panikut të shpërndarë në turistët e shumtë që vizitojnë këtë periudhë ishujt e Egjeut.
Top Channel
