Lajmet e mira të javës

Jian Ming kishte dalë për të luajtur dhe nuk ishte kthyer më në shtëpi. Treni, në të cilin hipi, e dërgoi rreth 300 km larg shtëpisë dhe ai nuk diti të kthehej më. E ëma kishte njoftuar policinë, por çështja e tij mbeti e hapur për shumë vite, pa asnjë të dhënë.

Një familje e adoptoi 8-vjeçarin, i ndryshoi edhe emrin dhe e rritën me dashuri. Megjithëse rritej, ai nuk arrinte të harronte shtëpinë e tij të largët dhe emrin e nënës. Ai i kërkoi ndihmë policisë për të zgjidhur këtë mister dhe, më në fund, u ritakua me të ëmën tashmë 63-vjeçare.

* Ai është cilësuar si “njeriu me krahë të artë”. Xhejms Harrison ka shpëtuar më shumë se 2 milionë fëmijë më gjakun e tij “të veçantë”. Ai është një dhurues gjaku dhe historia e tij ka fituar vëmendjen e CNN, pak përpara Ditës Botërore të Dhuruesve të Gjakut.

Harrison, i cili tani është 78 vjeç, ka filluar të dhurojë gjak që i ri, pas një ndërhyrjeje kirurgjikale, që i shpëtoi jetën përmes marrjes së 13 litrave gjak.

Në vitin 1967, sudiuesit australianë zbuluan se, në gjakun e tij gjendet një antitrup shumë i rrallë. Ai i ndihmon gratë shtatzëna me “Rh Negativ”, të cilat mbajnë në bark një foshnje me “Rh Pozitiv”.

Pavarësisht nga sasia e tepër e gjakut të dhuruar, Harrison ka ende frikë nga gjilpërat. “Nuk e kam parë gjilpërën asnjëherë të futet brenda krahut tim, shikoj gjetkë ose infermieren, por nuk arrij të shikoj gjakun”, ka thënë ai.

Top Channel