Nëntë të arrestuar në Hong Kong, po përgatisnin akte terroriste

Arrestimet vijnë në të njëjtën javë, kur ligjvënësit do të votojnë për një reformë politike, e cila ka hapur shumë debate në vend.

Zëdhënësi i policisë në Hong Kong nuk bëri një lidhje të drejtpërdrejtë mes arrestimeve dhe votimit, por tha se të paktën një nga të dyshuarit i përkiste  një “grupi radikal në Lindjen e Mesme”.

Por disa media lokale, duke cituar burime nga policia, thanë se personat e ndaluar do të kryenin sulme ditën e votimit.

Një prej drejtuesve të policisë tha se dy prej të arrestuarve u janë gjetur kimikate, të cilat mendohet se do të përdoreshin si eksploziv. Ndërsa personave të tjerë u janë sekuestruar disa armë zjarri dhe mjete të tjera, që do t’i ndihmonin në kryerjen e sulmeve.

Top Channel