Halim Kosova: Mbështetje projekteve të grave

“Shumë familje janë sulur nga të gjitha anët e Shqipërisë për një jetë më të mirë këtu. Është detyra jonë t’u ofrojmë atë që kërkojnë. Dhe më vjen shumë keq që në çdo takim kërkojnë vetëm 3 gjëra minimale. Unë ju them, mos u mjaftoni me këto, sepse keni nevojë për më shumë. Vriteni mendjen që të bëjmë diçka të përbashkët”, deklaroi Kosova.

Kandidati i së djathtës për Bashkinë e Tiranës tha se bashkëpunimi me to do të jetë zgjidhja për të ardhmen.

“Për të filluar së bashku për të bërë më të mirën për ju. Sepse nëse nuk fillojmë të bëjmë çka duhet për familjet ku është halli, kurrë nuk do mund të realizojmë projekte të mëdha, që në pamje të parë duken të pamundura. Por, rregullimi i shumë gjërave të vogla aty ku ato janë në fund të fundit janë një projekt i madh”, tha Kosova.

Doktor Kosova premtoi se do të mbështesë me financime dhe me kredi nga bashkia të gjitha gratë që kanë vizionin e tyre për të zhvilluar biznese.

“Mbështetje të jashtëzakonshme do të kenë gratë që kanë një vizion, një ide për të pasur një biznes, që do të vijë nga fondi i garancisë”, shtoi Kosova. 

Top Channel