Ofendon në WhatsApp, gjobitet me 45 mijë paund
16/06/2015 00:00
Parashikimi i frikshëm i Baba Vangës pas rritjes së tensioneve në Lindjen e Mesme: Lufta e Tretë Botërore do të nisë në…. 18/04 14:08
Kujdes kur ofendoni në WhatsApp, sidomos nëse jeni në Emiratet e Bashkuara Arabe, pasi rrezikoni të gjobiteni me një shumë të madhe parash, ose me burg. Një person është gjobitur me 45 mijë paund, pasi kishte ofenduar kolegun e punës në WhasApp.
Gjykata Supreme në Abu Dhabi urdhëroi rigjykimin e një personi që kishte ofenduar një koleg e që ishte gjobitur me 523 paund, për shkak se dënimi ishte “shumë i butë”. Ata kërkuan që personi të gjobitej me 45 mijë paund ose me burg.
I pandehuri u ndjek penalisht bazuar në ligjet për krime kibernetike, pasi pala paditëse dorëzoi celularin për të provuar akuzat, ku i akuzuari kishte shkruar fjalë ofenduese.
Gjithashtu, ekspertët ligjorë tërheqin vëmendjen se të përdorësh “emoji” gishtin e mesëm, rrezikon tre vite burg, ose 87 mijë paund gjobë.
“Të dërgosh si ‘emoji’ gishtin e mesëm ne mesazhe ose e-mail, do të jeni në telashe të mëdha”, është shprehur Abdullah al Nasir, avokat.
Sipas Al Nasir, pas futjes së WhatsApp dhe BlackBerry messenger, njerëzit ofendonin ose kërcënonin të tjerët, pa u shqetësuar nëse do të përballeshin me ligjin, prandaj ishte vendosur ligji për krime kibernetike, i cili tregon qartë për dënimet për raste të tilla.
Top Channel
