“Cabin OK”, 7 gjëra që duhet të dimë për bagazhet tona në avion

Kjo solli edhe një sërë debatesh në media lidhur me ndryshimet që do të prekin 260 linjat ajrore globale.

Prodhuesi gjerman i valixheve, Rimovva, ka kërkuar të distancohet nga ky debat, duke u shprehur se kompania nuk mbështet ndonjë përpjekje për të zvogëluar madhësinë e bagazheve.

“Pasagjerët me bagazhet me logon ‘Cabin OK’ mund të udhëtojnë me siguri më të madhe, dhe do të pranohen nga linja ajrore të ndryshme. Ato kanë dhe një tjetër përfitim, çantat me këtë logo do të kenë një prioritet për të qëndruar në kabinë, kuptohet aq sa është kapaciteti i kabinës”, thotë IATA.

IATA jep 7 pika që të gjithë udhëtarët duhet t’i dinë për bagazhet e tyre:

1. Cabin OK është një udhëzues i industrisë dhe nuk është një standard i ri.

2. Udhëzuesi nuk kërkon të ripërsërisë kufirin e madhësisë së bagazheve të linjave ajrore.

3. Cabin OK është një përmasë e mirë për bagazhet, por jo maksimumi.

4. Cabin OK u jep pasagjerëve sigurinë se bagazhet e tyre do të pranohen në kabinë. Shumica e avionëve nuk kanë hapësirë të mjaftueshme mbi kokën e pasagjerëve për të mbajtur çanta.

5. Nuk ju duhet të blini një çantë të re. Por valixhen tuaj të madhe nuk mund ta mbani në kabinë.

6. Udhëzuesi i Cabin OK nuk është një skemë e gjenerimit të të ardhurave të kompanive ajrore.

7. Plani është për të ndihmuar stafin e aeroportit që të dinë se cilat valixhe të vendosin.

Qëllimi i kësaj nisme të IATA është që reduktojë numrin e kontradiktave mes pasagjerëve dhe stafit lidhur me bagazhet që lejohen në kabinë.

Top Channel