Mediu, në Rrashbull: Mazhoranca shpreson tek presioni
17/06/2015 00:00
“Sjellje prej të forti në botën e bandave”, Alban Dudushi për gjuhën e Metës drejt SPAK: Pse heshti kaq kohë? Kërkoi një pazar, por… 17/04 22:39
Banorët e Rrashbullit kanë pritur kryetarin e Partisë Republikane Fatmir Mediu, i cili shoqërohej nga kandidatja e djathtë për Bashkinë e Durrësit, Grida Duma, deputeti i PR-së, Agron Duka dhe deputetë të PD-së të Durrësit.
Mediu ka ftuar banorët e kësaj zone të mos bien pre e presionit të mazhorances për blerjen e votave. “Interesi i kësaj mazhorance, tha ai, nuk janë qytetarët, por pushteti”.
“Fakti që na kërcënojnë se do të manipulojnë votën, fakti që mendojnë se mund të blejnë votat tona, kartat e identitetit, tregojnë edhe njëherë që kjo mazhorancë, jo vetëm që nuk ka lidhje me interesat e qytetarëve të Durrësit dhe mbarë Shqipërisë, por e kundërta. Kërkon të manipulojë e të kontrollojë nëpërmjet varfërisë dhe frikës, prandaj me lirinë tonë ne duhet patjetër të ndërtojmë të ardhmen”, tha Mediu para mbështetësve.
Apeli i kreut të republikanëve për banorët e Rrashbullit ishte i qartë, kur i ftoi ata të votojnë për të ardhmen e fëmijëve të tyre, duke votuar kandidaten Grida Duma.
Top Channel
