PDIU: Të anulohen fletë-arrestet absurde serbe
17/06/2015 00:00
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Partia për Drejtësi, Integrim dhe Unitet ka reaguar ndaj ndalimit të kryetarit të AAK-së, Ramush Haradinaj nga policia sllovene, për shkak të urdhër-arresteve të shpërndara nga regjimi serb.
“Kjo nuk është hera e parë që autoritetet e një vendi mik ngatërrohen prej marrëzisë së shtetit serb, që vijon të ketë në listat e Interpolit drejtuesit politikë kryesorë të Kosovës dhe ish-komandantët e UÇK-së. Edhe pse lirimi i zotit Haradinaj është vetëm çështje orësh, këto raste nuk duhet të vazhdojnë më”, thuhet në reagimin e PDIU-së.
PDIU i bën thirrje komunitetit ndërkombëtar të ndërhyjë në mënyrë që urdhër-arrestet absurde të Serbisë të anulohen, “pasi qëllimi i vetëm i tyre është cenimi i dinjitetit të shqiptarëve të Kosovës”.
“Lufta e UÇK-së ka qenë një luftë e drejtë, në mbrojtje të një popullsie të pafajshme kundër një regjimi gjakatar dhe askush nuk mund të hedhë baltë mbi të dhe drejtuesit e saj”, vijon reagimi.
Top Channel
