Kristjana “Saxobeat”, adoleshentja e klipeve “hot”

Sabiani, Noizy, NRG Band, Stresi, Ledri Vula… Të gjithë duan Kristjana Saxobeat, siç e njohin me emrin e artit. Adoleshentja ka jetuar në Greqi për shumë vite, ndërsa s’ka pak që Tirana është bërë vendqëndrimi i saj, së bashku me të ëmën.

Që e vogël, pasioni i padiskutueshëm ishte kërcimi. Mjaftonte të ndizej muzika dhe Kristjana pushtonte skenën. Ritmet e muzikës “hip hop” duket se janë të preferuarat e balerinës.

Së fundmi, vajza ka qenë në qendër të vëmendjes së medieve, për shkak të disa fotove provokuese që po bëjnë xhiro në rrjetet sociale.

Ka mjaftuar një set artistik fotosh për ta vënë Kristjanën në qendër të vëmedjes. Gazetat shkruajnë se vajza bën foto nudo, me miratimin e mamasë, duke u bërë lajmi i parë i faqeve rozë.

Një fakt i tillë është mohuar nga kjo e fundit, e cila pretendon se lajmi është transformuar. Art, foto provokuese, ekzagjerim? Emërtimi pak rëndësi ka, fakt është se lajmi për 17-vjeçaren e guximshme është bërë lajm tepër i përhapur.

Top Channel