Rezultati i parë, Themelko rizgjidhet në krye të Pustecit
22/06/2015 00:00
Edmond Themelko është rimandatuar si krytetar i Bashkisë së Pustecit. Pas numërimit të të gjitha qendrave të votimit, kandidati i koalicionit të majtë ka grumbulluar 2075 vota.
Bashkia e komunitetit maqedonas kishte tetë qendra votimi, ndërsa fitorja Themelkos u konfirmua që pas numërimit të gjashtë qendrave të votimit, për shkak të diferencës së theksuar me kundërkandidatin Apostollovski.
Shprehur në përqindje, Edmond Themelko ka fituar 80.96% të votave.
Kundërkandidati i tij, Miallaq Apostollovski nga koalicioni i djathtë ka marrë 488 vota, ose shprehur në përqindje, 19.04%.
Top Channel