Gruevski: Zgjedhjet do t’i organizojmë ne

Në një fjalim përpara simpatizantëve të partisë së tij, VMRO-DPMNE, Gruevski ka paralajmëruar se partia e tij do jetë ajo që do t’i organizojë zgjedhjet e parakohshme që do mbahen në prill të vitit të ardhshëm.

“Zgjedhjet e parakohshme parlamentare do të organizohen nga strukturat e partisë aktuale në pushtet dhe do të dëshmojnë edhe njëherë faktin se, populli e ka përzgjedhur atë dhe ata i qëndrojnë mbrapa kësaj qeverie”, ka deklaruar Gruevski.

Ai ka theksuar edhe njëherë se, “radhën e ka populli dhe jo faktorët e huaj apo lëvizjet e brendshme antishtetërore, që të vendosë për të ardhmen më të mirë për shtetin amë”.

Gjatë fjalimit të tij përpara simpatizantëve të VMRO-DPMNE-së, Gruevski ka premtuar zgjedhje të lira dhe demokratike, duke aluduar për siguri më të madhe nga mbikëqyrësit e OBSE-së, me kërkesë që ata të jenë në numër sa më të madh.

Top Channel