Japonia kujton betejën e Okinavës, ku vdiqën rreth 200 mijë persona
23/06/2015 00:00
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Japonia ka përkujtuar 70-vjetorin e përfundimit të Betejës së Okinavës, një nga më gjakësoret në Paqësor gjatë Luftës së Dytë Botërore. Mijëra persona u mblodhën në monumentin e dëshmorëve, në qytetin e Itomanit, ku ishte i pranishëm edhe kryeministri Shinzo Abe.
Rreth 80 mijë ushtarë japonezë vdiqën dhe më shumë se 100 mijë banorë të Okinavës u vranë ose kryen vetëvrasje gjatë betejës me forcat aleate që zgjati plot 82 ditë.
Në ishullin e Okinavës vdiqën edhe 12 mijë ushtarë amerikanë. Ky ishull shihej nga aleatët si një trampolinë për një pushtim të Japonisë. Pushtimi nuk erdhi kurrë pasi Tokio u dorëzua pas lëshimit të bombave atomike në Hiroshima dhe Nagasaki në gusht të vitit 1945.
Okinava mbeti e pushtuar nga ushtria amerikane deri në vitin 1972, kur Japonia rimori kontrollin e ishullit.
Top Channel
