Tahiri: Ata që guxuan të qëllojnë mbi policinë, do të marrin përgjigjen më të pashembullt
24/06/2015 00:00
LISTA/ Hetimi i TIMS, kush janë dëshmitarët që do merren në pyetje, mes tyre zyrtarë të lartë 08/05 17:11
Ministri i Brendshëm, Saimir Tahiri, ka premtuar se “të gjithë ata që kanë guxuar të qëllojnë me armë ndaj policisë do të marrin përgjigjen e duhur ligjore”.
Duke folur për mediat pas daljes nga Drejtoria e Policisë Gjirokastër, Tahiri u shpreh kështu në lidhje me vrasjen e një efektivi të RENEA-s në Lazarat: “Jemi të gatshëm të bëjmë gjithçka për të treguar që shteti ligjor vlen në çdo cep të Shqipërisë. Jemi shumë të vendosur që të mos lejojmë kriminelë dhe terroristë të shkaktojnë të tilla situata në të ardhmen”.
Më tej, ministri i Brendshëm shtoi: “U kam bërë thirrje banorëve të Lazaratit për të ndihmuar Policinë e Shtetit. Ne besojmë që banorët e ndershëm janë në krah të policisë”.
Në fund, edhe një thirrje për politikanët: “I bëj thirrje politikës të mos përdorë gjuhë me dy kuptime, por të dënojë aktin terrorist dhe të rreshtohet në krah të policisë”.
Top Channel
