Heqja e vizave me disa vende rrit numrin e turistëve
26/06/2015 00:00
E enjtja me mot të paqëndrueshëm! Shi dhe vranësira gjatë gjithë ditës, sa do arrijnë temperaturat 25/04 07:01
Heqja e regjimit të vizave me disa shtete që kanë shprehur interesimin e tyre për turizmin shqiptar ka nisur të japë rezultatet e para.
Ditën e enjte në Shqipëri mbërriti grupi i parë i turistëve nga Ukraina, Rusia, Bjellorusia dhe Kazakistani.
Me këto vende Shqipëria aplikon për herë të parë regjimin e lëvizjes së lirë pa viza për muajt e verës. Periudha është nga 1 qershori deri më 1 nëntor.
Sipas Ministrisë së Zhvillimit Ekonomik dhe Turizmit, kjo nismë është në kuadër të planit të masave për rritjen e turizmit, duke lehtësuar hyrjen në Shqipëri të shtetasve nga disa vende.
Veç Ukrainës, Rusisë, Bjellorusisë dhe Kazakistanit, pjesë e regjimit pa viza këtë vit janë edhe Arabia Saudite, Katari, Omani, Bahrejni dhe Gjeorgjia.
Top Channel
