500 “Harley Davidson” “pushtojnë” Tiranën

27/06/2015 00:00

Rreth 500 motorë të markave dhe të madhësive të ndryshme kanë pushtuar pasditen e së shtunës bulevardin “Dëshmorët e Kombit” dhe rrugët përgjatë digës së Liqenit Artificial në Tiranë.

Aktiviteti, i organizuar nga Shoqata “Steelwings MC Albania” zhvillohet për të 10-in vit radhazi në kryeqytetin shqiptar, ndërkohë që risia e këtij viti ishte se, pjesëmarrës nuk ishin vetëm nga vendet shqipfolëse, por edhe nga Italia, Franca apo Gjermania.

Qëllimi i këtij aktiviteti është promovimi i traditave kulturore, sportive dhe turistike të Shqipërisë, e cila përkon dhe me çeljen e sezonit turistik 2015.

Sikurse në organizimet paraardhëse, edhe këtë herë dhurimet dhe të ardhurat që grumbullohen nga ky event, i cili do të zgjasë deri më 28 qershor, do të shkojnë në formë bamirësie për fëmijët jetimë dhe ata në nevojë.

FOTO GALERI
1/7

Top Channel