Hysaj largohet nga Empoli vetëm për një ofertë të mirë

29/06/2015 00:00

Elseid Hysaj është shndërruar në një prej lojtarëve më të rëndësishëm të Kombëtares shqiptare, por edhe tek Empoli në Serinë A, ai mbyll një sezon të shkëlqyer duke tërhequr vëmendjen e klubeve më të rëndësishme në Itali, por jo vetëm.

Zërave të fundit të merkatos i ka dhënë përgjigje drejtorit sportiv i Empolit, Marcello Carli, i cili ka folur për të ardhmen e shkodranit.

“Hysaj largohet vetëm për një ofertë të mirë”, ka thënë Carli, i cili e ka vlerësuar mbrojtësin si një lojtar me personalitet dhe shumë i fortë.

Në ditët e ardhshme të merkatos së verës pritet të shihet nëse tek Empoli do të mbërrijë ndonjë ofertë, që do të bind drejtuesit e klubit për ta lënë të lirë shqiptarin.

Napoli, i cili tashmë drejtohet nga ish-trajneri i Empolit, Sarri, shfaqi interes për Hysajn, por u tërhoq pasi për të u caktua shifra 8 milionë euro.

Top Channel