Pelegrinazhi i përvitshëm në Ballem Sulltan; besimtarët, lutje dhe qirinj
30/06/2015 00:00
EMRAT/ I shkaktuan shtetit 1 milionë euro dëm pasi lëshonin fatura fiktive, Prokuroria kërkon “arrest në burg” për dy persona 25/04 12:52
Mijëra besimtarë bektashianë nga e gjithë Shqipëria vizituan vendin e quajtur Ballem Sulltan, të komunës Martanesh në Bulqizë, për të bërë pelegrinazhin e përvitshëm.
Besimtarët u ngjitën drejt vendit të shenjtë, ndezën qirinj dhe bënë lutjet e tyre, për të vijuar më pas me tregime mbi historinë e Ballem Sulltanit.
Në këtë ceremoni morën pjesë shumë baballarë të Tyrbeve nga i gjithë vendi, si dhe autoritete të pushtetit vendor, përfshirë kandidatin fitues për Bashkinë e Bulqizës, Melahim Damzi.
Në fjalimin e tij, Babai i Teqesë së Martaneshit, Hysni Shehu u shpreh se, Teqeja e Ballem Sulltanit ka vlera të mëdha historike, sikurse vetë themeluesi i saj, që ka qenë dhe do të mbetet një reformator mjaft largëpamës.
Ai shprehu gjithashtu gëzimin e tij të veçantë që ndau me besimtarët e ardhur dashurinë dhe forcën e dhuruar nga Zoti. Më pas, festa vijoi me aktivitete të ndryshme.
Top Channel
