Objekti i çuditshëm mbi qiellin e Amerikës që as NASA s’di ta shpjegojë

30/06/2015 00:00

Lëvizja e një objekti të çuditshëm mbi hapësirën ajrore të Shteteve të Bashkuara dhe i pikasur nga kamerat e NASA-s, ka lënë me gojë hapur edhe mbështetësit e teorive konspiracioniste.

Objekti në pamje të parë duket si një meteor, që nis e shpërbëhet sapo hyn në atmosferën e planetit tonë.

Por për shumë vëzhgues amatorë dhe profesionistë të qiellit, nuk bëhet fjalë për një meteor. Madje edhe vetë NASA është e pasigurtë për këtë. Agjencia amerikane e hapësirës postoi në rrjetet sociale një video të objektit me një shënim që ngre shumë pikëpyetje.

“Nga të dhënat tona, mendojmë që objekti në fjalë nuk është as meteor as kometë”, shkruan NASA.

Nga përllogaritjet e NASA-s, objekti po lëvizte me një shpejtësi rreth 20 mijë kilometra për orë, shpejtësi e vlerësuar si shumë e ngadaltë për një meteor apo kometë.

Por nëse nuk është as meteor, as kometë, çfarë është? Përgjigjia për këtë pyetje është e vështirë, duke bërë që menjëherë të nisin të qarkullojnë nëpër forume të ndryshme teori për “vizitë aliene në Tokë”.

Top Channel