Reforma në drejtësi, debati publik zhvendoset në Korçë
03/07/2015 00:00
Fiks Fare/ Infermieri paguhet në shtet pa shkuar në punë, shet ilaçet e një depoje farmaceutike. Favorizohej nga drejtori i QSH Bushat
18/04 20:50
Në vazhdën e turit të konsultimeve publike në rrethe, Forumi rajonal mbi reformën në drejtësi është mbledhur këtë të premte në qytetin e Korçës.
Në këtë takim të radhës theksi është vendosur mbi problematikën e korrupsionit të sistemit të drejtësisë, ndarjen e keqe të kompetencave dhe problemet e financimit.
Në takim, ku kanë qenë të pranishëm prokurorë, gjyqtarë e juristë të qarkut juglindor, paneli ka prezantuar procesin e reformës dhe problematikat e tij.
Konstatimet për një sistem të mbytur nga korrupsioni dhe influenca e politikës kanë qenë disa prej shqetësimeve kryesore të ngritura gjatë këtij forumi.
Gjithashtu, takimi ka evidentuar edhe shqetësimet lidhur me infrastrukturën e sistemit të drejtësisë, me pjesëmarësit që kanë folur edhe për një buxhet shumë të vogël për këtë reformë nga ana e shtetit shqiptar.
Top Channel
