Autoriteti i Mediava Audiovizive (AMA) ka intensifikuar aksionin kundër piraterisë dhe aktiviteteve të palicencuara audiovizive. Gjatë muajve të fundit, AMA ka kryer 35 inspektime, kryesisht në Qarkun e Korçës, ku janë ndëshkuar me gjobë 23 subjekte, ndërsa për 8 vijon procedura administrative.
Ndërsa janë bllokuar dy aktivitete të palicencuara, duke proceduar me inventarizimin dhe sekuestrimin e pajisjeve të përdorura për ushtrimin e aktivitetit të palicencuar.
“Aksioni i AMA-s do të vijojë intensivisht edhe në ditët në vijim. Në fokus do të jetë ushtrimi i aktivitetit të palicencuar, kur afati i vlefshmërisë së licencës, apo autorizimit ka përfunduar dhe ajo nuk është rinovuar, si dhe për zbatimin e ligjshmërisë në lidhje me të drejtat e transmetimit dhe të drejtave të tjera mbështetëse”, thuhet në një njoftim të këtij institucioni.
Njëkohësisht, AMA ka përfunduar identifikimin e të gjithë subjekteve debitorë, të cilët nuk kanë shlyer detyrimet e tyre financiare ndaj AMA-s dhe brenda afateve ligjore në fuqi dhe ndaj tyre ka filluar procedura e heqjes së licencës.
Top Channel