Shefi i agjencisë turistike çeke: Shqiptarët janë njerëz të mirë

“Deri sa ndodhi ngjarja, Shqipëria konsiderohej shumë e sigurtë. Ndërsa tani ka një tronditje të imazhit të saj. Megjithatë, theksoj se deri dje nuk ka pasur asnjë problem me turistët çekë në përgjithësi, përveç disa rasteve sporadike”, ka thënë Zeliezko për një gazetë lokale.

Ai ka nënvizuar se, prej vitesh organizon grupe turistësh çekë në Shqipëri dhe nuk është hasur asnjë problem.

“Edhe vetë kam shkuar disa herë për pushime atje”, ka thënë Zeliezko, duke shprehur tronditjen e tij për sa ka ndodhur.

Megjithatë, drejtuesi i agjencisë turistike nuk fajëson Shqipërinë dhe shqiptarët për ngjarjen, pasi sipas tij, gjëra të tilla ndodhin në të gjithë botën.

“Unë mendoj se gjëra të tilla mund të ndodhin dhe kanë ndodhur edhe në Francë, Norvegji apo Suedi. Kriminelët nuk kanë kombësi, ata vrasin kudo që janë”, ka thënë ai.

I pyetur për një opinion mbi shqiptarët, ai ka dhënë këtë vlerësim: “Shqiptarët janë sjellë shumë mirë dhe janë mjaft të gjendshëm për turistët. Përgjithësisht mendoj se ata janë njerëz të mirë”.

Top Channel