Asnjë plan konkret të ri? Greqia thotë se ka dorëzuar atë të javës së kaluar

Një zyrtar i lartë i Eurozonës është shprehur për “Reuters” se ministrat e Financave të Eurozonës janë takuar në Bruksel. “Zyrtarët grekë kanë thënë se do të dorëzojnë një kërkesë të re dhe një skicë të propozimeve, ndoshta nga e nesërmja”.

Një tjetër zyrtar ka thënë se, deri më tani nuk është dorëzuar asnjë propozim i ri për huadhënësit, duke shtuar se “nëse ata kanë planifikuar të prezantojnë diçka formale ditën e mërkurë, atëherë mund të mos gjejnë njeri për ta lexuar atë”.

I pyetur në lidhje me këto komente, një zyrtar i qeverisë greke ka shtuar: “Disa janë duke na ruajtur e duke thënë se ne nuk kemi propozime të reja. A nuk është kjo e njëjtë me faktin se nuk kemi një propozim 47 faqesh, të cilin e kishim edhe gjatë së hënës së kaluar?”.

“Nuk e di nëse qëndron fakti se nuk kemi ne propozime, apo fakti që ata nuk i pëlqejnë propozimet tona?”, shprehet më tej ai.

Një tjetër përfaqësues grek ka thënë se “qeveria greke është paraqitur me propozimet, të cilat nuk u diskutuan nga Eurogrupi javën e kaluar”.

Ndërkaq, huadhënësit kanë bërë të ditur më 27 qershor se, Greqia i kishte “shkatërruar” bisedimet me thirrjen e referendumit, ndaj dhe Eurogrupi nuk diskutoi formalisht propozimin e dërguar nga Greqia më 29 qershor.

Top Channel