Presidenti Barack Obama beson se mundësitë që të arrihet një marrëveshje me Iranin për programin bërthamor “janë më të vogla se 50-50”.
Kështu ka deklaruar njëri prej senatorëve demokratë, i cili ishte në takimin me dyer të mbyllura me Presidentin e Amerikës.
“Obama tha se rrjedhja e bisedimeve bën që ai të jetë më pak optimist, shumë më pak. Gjithashtu, u shpreh se mundësitë që të kemi një marrëveshje në këto kushte janë më poshtë se 50-50”, deklaroi Dick Durbin, senator i Illionisit dhe një prej njerëzve më të afërt të Obamas.
Komentet ulin shpresën se do të kemi një marrëveshje për frenimin e programit bërthamor iranian edhe brenda kësaj jave, kur do të skadojë afati i bisedimeve, që tashmë është shtyrë dy herë që nga 30 qershori.
Top Channel