“Përgatitje për terrorizëm”, akuza për serbin e kapur me 12 kg lëndë plasëse
10/07/2015 00:00
Bislimi: Serbia kërkon që strukturat ilegale të financohen deri në krijimin e Asociacionit 25/04 18:48
Prokuroria Speciale e Kosovës ka ngritur këtë të premte akt-akuzën pranë Gjykatës Themelore në Prishtinë, kundër të pandehurit Sllobodan Gavriç, për veprën penale “të përgatitjes së terrorizmit”.
Gavriç u arrestua dhjetorin e vitit të kaluar me rreth 12 kilogramë lëndë shpërthyese që u gjet në bagazhin e automjetin e tij. Ai u ndalua në lagjen “Arbëria” nga Policia e Kosovës pas kontrollit të kryer.
Ndaj Gavriç u ngrit akuza e “përgatitjes së veprave terroriste ose veprave penale kundër rendit kushtetues dhe sigurisë së Kosovës”.
Pjesë e hetimeve ka qenë edhe një grup ekspertësh të FBI-së, ndërsa prokuroria ka kërkuar që prej muajit dhjetor mbajtjen në arrest të Gavriç, si dhe shpalljen e tij fajtor në përfundim të gjykimit.
Top Channel
