Durrës, zjarri shkrumbon zdrukthtarinë; rrezikohen godinat përreth
11/07/2015 00:00
Ra nga vinçi teksa punonte, humb jetën punonjësi i Bashkisë së Elbasanit 19/04 16:48
Një zjarr i fuqishëm ka rënë mëngjesin e së shtunës në ambientet e një zdrukthtarie, në lagjen numër 17 të qytetit të Durrësit, duke e shkrumbuar tërësisht atë.
Zjarri ra pranë tregut industrial dhe për shkak të intensitetit shumë shpejt doli jashtë kontrollit, duke rrezikuar edhe dy pallate e dy shtëpi private aty pranë.
Në vendin e ngjarjes mbërritën 4 makina zjarrfikëse, të cilat nisën punën për shuarjen e flakëve. Por situata e rënduar i detyroi autoritetet lokale të kërkonin ndihmë nga departamentet e zjarrfikësve në Tiranë dhe Vorë.
Falë ndihmës së këtyre të fundit u bë e mundur vënia nën kontroll e situatës. Për momentin nuk dihen shkaqet e rënies së zjarrit, por dyshimet paraprake flasin për një shkëndijë elektrike.
Ndërkohë, nga verifikimet e para rezulton se pronar i zdrukthtarisë është shtetasi Baftjar Shkira, i cili aktualisht ndodhet me pushime në Turqi.
Top Channel
