Durrës, arrestohet 27-vjeçari për armëmbajtje pa leje; i gjenden dy automatikë
14/07/2015 00:00
Një 27- vjeçar nga Shijaku është arrestuar në flagrancë në qytetin e Durrësit, ku i janë sekuestruar dy automatikë model 56, 41 fishekë pistolete kalibri 9 mm dhe 58 fishekë automatiku të kalibrit 7.62 mm.
Burime policore bëjnë të ditur se i arrestuari është shtetasi Lorenc Qehaj me banim në Shijak.
Armët e fishekët e sekuestruar në cilësinë e provës materiale iu gjetën gjatë kontrollit në banesën e administruar prej tij, në lagjen 8 të qytetit bregdetar.
Ndaj të riut është ngritur akuza e prodhimit dhe mbajtjes pa leje të armëve luftarake dhe municioneve.
Top Channel