Ekzekutohet me injeksion vrasësi i Misurit
15/07/2015 00:00
Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Vrasësi i Misourit që i mori jetën një 19-vjeçareje në vitin 2001, që fillimisht e kishte përdhunuar dhe më pas lidhur në një pemë në varreza, është ekzekutuar, pasi Gjykata Supreme në SHBA dhe Guvernatori i shtetit refuzuan të bllokojnë ekzekutimin.
Gjykata Supreme ka hedhur poshtë të gjitha apelet e 55-vjeçarit David Zink, ndërsa Guvernatori Jay Nixon refuzoi të bënte një kërkesë për mëshirë.
Sipas autoriteteve, Zink është ekzekutuar me një injeksion, ndërsa i janë dashur më pak se dhjetë minuta për të ndërruar jetë.
“David Zink mori jetën e një 19-vjeçareje, ndërsa duhet ta paguajë duke e humbur të vetën. Nuk mund ta përfytyrojmë tmerrin që ka përjetuar Amanda Morton natën e rrëmbimit”, thuhet në deklaratën e Gjykatës.
Në letrën e fundit, Zink i ka kërkuar falje familjes së viktimës, duke shkruar se uronte që ekzekutimi i tij të sillte paqe për ata. Ai gjithashtu i ka kërkuar falje edhe familjes dhe miqve të tij.
Top Channel
