Deputetët e Komisionit të Medias dhe Arsimit kanë kaluar nen për nen projektligjin e arsimit të lartë, i cili është kontestuar fort nga Universiteti i Tiranës.
Në një mbledhje maratonë, ata kanë diskutuar për të gjithë kapitujt e këtij ligji, i cili pritet të sjellë ndryshime të mëdha në mënyrën e organizimit te strukturave të arsimit të lartë.
Deputetja e Partisë Demokratike, Albana Vokshi tha se ky projektligji, i cili për Partinë Demokratike është një draft klientelist, po kalohet me shpejtësi nga mazhoranca për ta miratuar në Parlament.
Gjatë dëgjesave në Komision, pedagogët, por edhe Senati i Universitetit të Tiranës ka kundërshtuar kapitullin e 12, i cili lidhet me financimin dhe kanë theksuar se cënohet autonomia.
Top Channel
