Votoi kundër, Lafazanis: Nëse do Tsipras, dorëhiqem
16/07/2015 00:00
Dita e balonave/ Elbasan, fëmijët e kopshteve mbushin qiellin me balonat plot me ngjyra
20/04 14:10
Ministri grek i Energjisë, Panagiotis Lafazanis ishte në mesin e 38 deputetëve të Syrizas të cilët braktisën vijën qeveritare të Tsiprasit, duke votuar kundër, ose abstenuar, për paketën e masave.
Lafazanis është shprehur se do të japë dorëheqjen, nëse kjo gjë i kërkohet nga kryeministri Tsipras.
“Në qoftë se dorëheqja ime kërkohet, atëherë ajo do të jetë në tryezën e kryeministrit”, është shprehur Lafazanis para gazetarëve.
Ai ka thënë se mbështet Tsiprasin dhe Syrizan, por është kundër masave që janë propozuar nga Eurogrupi, si kusht për marrjen e ndihmave të reja.
“Ne jemi ligjvënësit e kësaj qeverie, ne e mbështesim atë përzemërsisht. Ne mbështesim Syrizan në qeveri dhe e përkrahim kryeministrin. Ne nuk mbështesim paketën e shpëtimit”, deklaroi Lafazanis, që ka shtuar se zgjedhjet e parakohshme nuk janë zgjidhje.
Top Channel
