Elbasan, pranga 27-vjeçarit; kërkohej nga drejtësia italiane për trafik droge
16/07/2015 00:00
Agjentët e antidrogës në Drejtorinë e Policisë së Elbasanit kanë vënë në pranga një 27-vjeçar të shpallur në kërkim ndërkombëtar për trafik narkotikësh.
Lajmi bëhet i ditur përmes një njoftimi për shtyp, në të cilin thuhet se arrestimi i shtetasit Erdiol Çela është bërë në bashkëpunim me agjentët e komisariatit të Cërrikut.
Sipas njoftimit, Çela ishte shpallur në kërkim nga Gjykata e Xhenovës, në Itali, për trafik drogash të rënda, kryesisht kokainë.
Arrestimi i tij u krye rreth orës 23:00 të ditës së djeshme, thuhet më tej në njoftimin zyrtar.
Top Channel