Përvjetori i rrëzimit të “MH17”; gazeta australiane, video me separatistët pro-rusë
17/07/2015 00:00
Sulmet e Izraelit, ministri i Jashtëm Iranian: Një dështim i plotë, nuk shkaktuan asnjë dëm për ne 19/04 22:55
Shërbesa përkujtimore janë mbajtur në përvjetorin e parë të rrëzimit të avionit të “Malaysian Airlines” në Ukrainë, një episod fatkeq që i kushtoi jetën 298 personave.
Rusia dhe Perëndimi ende vazhdojnë të kenë përplasje përsa i takon përgjegjësisë së asaj ngjarjeje të rëndë.
“Kjo ishte vërtet një mizori”, deklaroi kryeministri australian Tony Abbott përpara një pllakati përkujtimor ku janë gdhendur emrat e 38 viktimave nga Australia.
Mëngjesin e sotëm, gazeta “Sydney’s Daily Telegraph” publikoi online një video për të cilën tha se tregon separatistët pro-rusë duke rrëmuar në bagazhet e pasagjerëve të fluturimit “MH17”.
Sipas kryeministrit Abbott, këto pamje nxjerrin edhe një herë në pah faktin se rrëzimi i avionit malajzian nuk ishte aspak një aksident.
Në bordin e avionit që fluturonte nga Amstërdami për në Kuala Lumur korrikun e vitit të kaluar, kishte edhe shtetas holandezë, belgë e malajzianë.
Top Channel
